View Gil Maningo's award winning photo
INTRODAKSYON--SUNGKAAN NI INGKO KULAS
ni Gil Maningo
Nagsugod Abril 18, 2009
Una sa tanan subli-on ko sa pagsangyaw kaninyong tanan igsoon kong bug'os nga mga Bisaya sa tibuuk kalibutan nga hingpit na gayud Akong makig-abi-abi kaninyo pinaagi sa Akong Sungkaan. Agi'g unang pagtagad ug pag-alagad alang sa inyong kasayuran Ako si Ingko Kulas lumad nga taga Sugbo, usa ka Magpapatigayon, Pintor, Maghuhuni, nga mahigugmaon ug naglaban sa atong kultura nga Bisaya. Tuguti ako sa paglingaw kaninyo pinaagi sa dyutay nako nga mga tampo sa pinulungan nga Binisaya, gikan sa mga hiyas sa mga retrato nga Akong kinutlo ug nasikup nga nagagikan gayud sa Akong mga Lente pinaagi sa Potograpiya hangtud sa mga ginagmay nga mga hisgut diin kita makahinumdom ug makapanglandong unsa diay ka tam-is ang atong pinulungan nga Binisaya ilabi na sa mga igsoon ta nga mga Bisaya sa tanang suuk nga dapit sa kalibutan nga sa kapil-an na ka mga katuigan dugay na nga nakabasa sa lunsay nga pulong nga Binisaya. Pasaylo-a Ako kun ugaling Akong nakutaw ang inyong pangsabot gumikan sa kalisud sa mga pulong nga Akong gipanglatid.
Dayon sa SUNGKAAN NI INGKO KULAS.
Featured Photo by Gil Maningo
The photo that received the grand prize during the recent " EARTH HOUR " Photo competition.
