GUGMANG GILU-OM
By: Gil G. MANINGO
AIRED ON MAY 19
PAGKAANINDOT SUD-ONGON SA MGA PANGANOD,
NGA NAKIG HAGWA SA MGA LANGGAM NGA NAGPAANOD SA KALANGITAN
UBAN SA MGA BULOK SA BANGAW
NGA SUSAMA KA TAHUM SA IMONG PAGKAPUTLI
NGA GI-AMPOAN SA TANANG MGA SONATA
NGA NAHUTDAN SA MELODIYA SA PAGHARONG
SA IMONG KAANYAG UG PAGKA SANTA…
HIMAYA KO ANG PAGSUD-ONG KANIMO MATAG KARON UG UNYA
SA MGA PANIPLAT KO NGA KINAWAT ,
UBAN SA MADANIHON NGA KAHUMOT SA HANGIN NGA SA KANUNAY
NANGALIMYON SA KATAM-IS UG KADASIG NGA
MAOY NAGHUYOP SA IMONG PAGKABABAYE NGA MADANIHONG
NITUHOP SA AKONG GALAMHAN
HUNONG, HUNONG MASINAHON NGA HUNAHUNA
PAGNGA SA MAKADIYOT ANG AKONG MGA
LARAW NGA NAG-UMOL SA AKONG PAGKAHAMTONG
ILINGIW, ILINGIW UG IHANGAD AKO SA KAHITAS-AN ARON SA PAGPAKIGLIMBASOG
NGA UNTA DILI AKO MASUDLAN SA LAANG SA PAGKAHUNGOG
INAY HUTDA ANG TANANG MANTSA
SA AKONG PAGKAHAGUKA
TUNGOD SA AKONG PAGKA TAO
ARON KUNG PANANGLIT MAN SA HIGAYON NGA
MAGKASUGAT ANG DUHA NATO KA MGA DALAN
SA KAPALARAN ANG GUGMA KO
KANIMO USAB IMONG MASABTAN
ARON AKONG SAWMON
ANG GILAWMON SA IMONG PAGKAMADANIHON
UG HUTDON KO SA PAGDIMDIM
ANG TANAN NAKONG GUGMA
NGA DUGAY KO NANG GILU-OM…
HARANA ( BACKGROUND MUSIC )
